काठमाडौं । काठमाडौं महानगरपालिका–४ धुम्बाराहीबाट स्रोत नखुलेको ११ लाख रुपैयाँसहित एक जना पक्राउ परेका छन्।
पक्राउ पर्नेमा तारकेश्वर निवासी नुवाकोट ककनी गाउँपालिका–५ घर भएका ३९ वर्षीय समिर लामा रहेका छन्। उनलाई आइतबार राति प्रहरी वृत्त महाराजगञ्जबाट खटिएको टोलीले स्कुटर जाँचका क्रममा नगदसहित नियन्त्रणमा लिएको हो।
प्रहरीका अनुसार बरामद रकमको स्रोत खुल्न नसकेपछि लामामाथि थप अनुसन्धान भइरहेको छ।
