काठमाडौं। प्रतिनिधिसभाको आजको बैठकबाट ‘सार्वजनिक खरिद (दोस्रो संशोधन) विधेयक, २०८३’ बहुमतले पारित भएको छ।
विधेयकमाथि दफाबार छलफल सम्पन्न भएपछि सम्बन्धित मन्त्रीले उठेका प्रश्नको जवाफ दिएका थिए। त्यसपछि प्राप्त संशोधन प्रस्तावहरूलाई निर्णयार्थ प्रस्तुत गर्दै सदनले बहुमतका आधारमा विधेयक पारित गरेको हो।
बैठकमा प्रधानमन्त्री वालेन्द्र शाहका तर्फबाट कानुन, न्याय तथा संसदीय मामिलामन्त्री सोविता गौतमले विधेयकमाथि दफाबार छलफल गरियोस् भन्ने प्रस्ताव पेश गरेकी थिइन्।
सरकारले यसअघि जारी अध्यादेशलाई प्रतिस्थापन गर्ने उद्देश्यले उक्त विधेयक प्रतिनिधिसभामा दर्ता गरेको थियो।
