काठमाडौं । राष्ट्रियसभाको बैठकले ‘आर्थिक विधेयक, २०८३’ बहुमतबाट पारित गरेको छ। अब उक्त विधेयक पुनः प्रतिनिधिसभामा फिर्ता पठाइने भएको छ।
प्रतिनिधिसभाबाट सन्देशसहित प्राप्त विधेयकमाथि दफाबार छलफलपछि निर्णयार्थ प्रस्तुत गरिएको थियो। बैठकमा अर्थमन्त्री डा. स्वर्णिम वाग्लेले विधेयक सुझावविना पारित गरी प्रतिनिधिसभामा फिर्ता पठाउने प्रस्ताव प्रस्तुत गरेका थिए।
छलफलका क्रममा राष्ट्रियसभा सदस्यहरू डा. प्रेम दङ्गाल, सम्झना देवकोटा, रोशनी मेचे र सोमनाथ पोर्तेलले शिक्षा तथा स्वास्थ्य सेवामा कर वृद्धि नगर्न सरकारको ध्यानाकर्षण गराएका थिए।
बैठकको शून्य समयमा सदस्यहरूले सुकुमबासीका लागि सुरक्षित बसोबासको व्यवस्था गर्नुपर्ने लगायतका विषय पनि उठाएका थिए।
