काठमाडौं । गणेश नेपालीको मृत्युको कारण सरकार भएको आरोप लगाउँदै युवाहरूले काठमाडौंको माइतीघर मण्डलामा प्रदर्शन गरेका छन्। घटनामा संलग्न व्यक्तिहरूमाथि कारबाहीको माग गर्दै उनीहरूले विरोध प्रदर्शन गरेका हुन्।
प्रदर्शनमा सहभागी युवाहरूले प्रधानमन्त्री बालेन्द्र शाहप्रति आक्रोश व्यक्त गरेका छन्। उनीहरूले विभिन्न नारासहितका प्लेकार्ड बोकेर सरकारको विरोध गरेका थिए। ‘बालेन तिम्रो झिकै झिकै माया गणेशको आत्मदाह थियो’, ‘राज्य आतंक मुर्दावाद’, ‘बालेन के तिम्रो राज्यमा गरिब र युवा अट्न नसक्ने हो’, ‘हत्यारा सरकार मुर्दावाद’ लगायतका नाराहरू प्रदर्शनका क्रममा लेखिएका थिए।
त्रिपुरेश्वरस्थित राहदानी विभाग अगाडि बिहीबार दिउँसो आत्मदाहको प्रयास गरेका २५ वर्षीय गणेश नेपालीको उपचारका क्रममा शुक्रबार बिहान ११ बजेर १९ मिनेटमा मृत्यु भएको थियो।
