काठमाडौँ । अब नागरिक एपमार्फत देशभर उपलब्ध रगतको विवरण हेर्न सकिने भएको छ ।
नागरिक एपमा ‘रक्त सूचना’ पोर्टल थपिएसँगै प्रयोगकर्ताले विभिन्न रक्तसञ्चार केन्द्रमा उपलब्ध रक्त समूह र मौज्दात युनिटको जानकारी वास्तविक समयमा प्राप्त गर्न सक्ने भएका छन् ।
स्वास्थ्य तथा खाद्य स्वच्छता मन्त्रालयका अनुसार यस सुविधामार्फत देशभरका रक्तसञ्चार केन्द्रमा उपलब्ध विभिन्न रक्त समूहको रगतको अवस्था एकै स्थानबाट हेर्न सकिनेछ ।
स्वास्थ्य सेवाको पहुँचलाई थप प्रभावकारी, पारदर्शी र प्रविधिमैत्री बनाउने उद्देश्यले यो सेवा नागरिक एपमा एकीकृत गरिएको हो । यसले आकस्मिक अवस्थामा रगत आवश्यक पर्ने बिरामी तथा आफन्तलाई छिटो जानकारी प्राप्त गर्न सहयोग गर्ने, रक्त व्यवस्थापनलाई सहज बनाउने र रक्तसञ्चार सेवाबीचको समन्वयलाई थप प्रभावकारी बनाउने अपेक्षा गरिएको छ ।
