काठमाडौं, असार १ । देशभर मनसुन वायुको प्रभाव कायम रहँदा आज अधिकांश स्थानमा वर्षाको सम्भावना रहेको छ। जल तथा मौसम पूर्वानुमान महाशाखाका अनुसार मनसुनको न्यून चापीय रेखा पश्चिममा सरदर स्थानभन्दा केही माथि तथा पूर्वमा सरदर स्थान आसपास रहेकाले देशका विभिन्न भागमा वर्षा हुने भएको हो।
कोशी प्रदेश
कोशी प्रदेशमा आज सामान्यदेखि पूर्ण बदली रहनेछ। पहाडी भूभागका केही स्थान तथा तराईका एकदुई स्थानमा मेघगर्जन र चट्याङसहित मध्यम वर्षाको सम्भावना रहेको छ। हिमाली भूभागका केही स्थानमा वर्षासँगै हिमपात हुन सक्नेछ। प्रदेशका पहाडी तथा हिमाली भूभागका केही स्थानमा भारी वर्षाको सम्भावना रहेकाले आवश्यक सतर्कता अपनाउन जल तथा मौसम पूर्वानुमान महाशाखाले आग्रह गरेको छ।
मधेस प्रदेश
मधेस प्रदेशमा आज सामान्यदेखि पूर्ण बदली रहनेछ। तराईका एकदुई स्थानमा मेघगर्जन र चट्याङसहित मध्यम वर्षाको सम्भावना रहेको छ। रातिको समयमा पनि प्रदेशका केही स्थानमा वर्षा हुने सम्भावना रहेको महाशाखाले जनाएको छ।
बागमती प्रदेश
बागमती प्रदेशमा हाल पहाडी भूभागका केही स्थानमा मध्यम वर्षा भइरहेको छ। आज पहाडी भूभागका धेरै स्थान तथा तराईका केही स्थानमा मेघगर्जन र चट्याङसहित मध्यम वर्षाको सम्भावना रहेको छ। हिमाली भूभागका केही स्थानमा वर्षासँगै हिमपात हुन सक्नेछ। पहाडी, हिमाली तथा तराईका एकदुई स्थानमा भारी वर्षाको सम्भावना रहेकाले सतर्कता अपनाउन आग्रह गरिएको छ।
गण्डकी प्रदेश
गण्डकी प्रदेशमा हाल पहाडी भूभागका केही स्थानमा मध्यम वर्षा भइरहेको छ। आज पहाडी भूभागका धेरै स्थान तथा तराईका केही स्थानमा मेघगर्जन र चट्याङसहित मध्यम वर्षाको सम्भावना रहेको छ। हिमाली भूभागका केही स्थानमा वर्षासँगै हिमपात हुन सक्नेछ। पहाडी तथा हिमाली भूभागका केही स्थानमा भारी वर्षाको सम्भावना रहेको महाशाखाले जनाएको छ।
लुम्बिनी प्रदेश
लुम्बिनी प्रदेशमा हाल पहाडी भूभागका केही स्थानमा मध्यम वर्षा भइरहेको छ। आज पहाडी भूभागका धेरै स्थान तथा तराईका केही स्थानमा मेघगर्जन र चट्याङसहित मध्यम वर्षाको सम्भावना रहेको छ। तराईका एकदुई स्थान तथा पहाडी भूभागमा भारी वर्षा हुन सक्नेछ। हिमाली भूभागका केही स्थानमा वर्षासँगै हिमपातको सम्भावना रहेको छ।
कर्णाली प्रदेश
कर्णाली प्रदेशमा हाल पहाडी भूभागका एकदुई स्थानमा मध्यम वर्षा भइरहेको छ। आज पहाडी भूभागका केही स्थानमा मेघगर्जन र चट्याङसहित मध्यम वर्षाको सम्भावना रहेको छ। हिमाली भूभागका केही स्थानमा वर्षासँगै हिमपात हुन सक्नेछ। पहाडी तथा हिमाली भूभागका केही स्थानमा भारी वर्षाको सम्भावना रहेको महाशाखाले जनाएको छ।
सुदूरपश्चिम प्रदेश
सुदूरपश्चिम प्रदेशमा हाल पहाडी भूभागका एकदुई स्थानमा मध्यम वर्षा भइरहेको छ। आज पहाडी भूभागका धेरै स्थान तथा तराईका केही स्थानमा मेघगर्जन र चट्याङसहित मध्यम वर्षाको सम्भावना रहेको छ। हिमाली भूभागका केही स्थानमा वर्षासँगै हिमपात हुन सक्नेछ। रातिको समयमा पनि प्रदेशका केही स्थानमा वर्षा जारी रहने सम्भावना रहेको छ।
भारी वर्षाका कारण गेग्रान बहाव, बाढी, पहिरो तथा भूक्षयको जोखिम बढ्न सक्ने भएकाले सम्बन्धित क्षेत्रका बासिन्दालाई आवश्यक सतर्कता अपनाउन महाशाखाले अनुरोध गरेको छ। साथै दैनिक जनजीवन, कृषि, स्वास्थ्य सेवा, पर्यटन, पर्वतारोहण तथा सडक तथा हवाई यातायातसमेत प्रभावित हुन सक्ने भएकाले सावधानी अपनाउन आग्रह गरिएको छ।
