काठमाडौं । कीर्तिपुरको चोभार क्षेत्रमा गुडिरहेको एक निजी कारमा अचानक आगलागी भएको छ ।
मंगलबार बिहान करिब साढे ११ बजे बा ५ च ३०३८ नम्बरको गाडीमा आगो लागेको काठमाडौं उपत्यका ट्राफिक प्रहरी कार्यालयले जनाएको छ ।
प्रत्यक्षदर्शीले तत्काल प्रहरी र ट्राफिक प्रहरीलाई खबर गरेपछि घटनास्थल पुगेको टोलीले आगो नियन्त्रणमा लिएको थियो ।
आगलागी भएको समयमा गाडीभित्र चालकसहित यात्रु रहेको आशंका गरिएको छ । उनीहरूको अवस्थाबारे थप विवरण आउन बाँकी रहेको प्रहरीले जनाएको छ ।
घटनाको कारणबारे अनुसन्धान भइरहेको छ ।
