काठमाडौं। यातायात व्यवस्था सेवा कार्यालय विराटनगरले आर्थिक वर्ष २०८२/८३ मा विभिन्न सेवा तथा कर शीर्षकबाट कुल रु ४८ करोड ९८ लाख २७ हजार १८७ राजस्व सङ्कलन गरेको छ।
कार्यालयका सूचना अधिकारी लेखप्रसाद आचार्यका अनुसार रुट पर्मिटबाट रु एक करोड १४ लाख ३१ हजार ८३०, अन्य सेवा शुल्कबाट रु ७५ लाख ५१ हजार, व्यवसाय दर्ता दस्तुरबाट रु एक लाख २८ हजार ३००, चालक अनुमति पत्र (लाइसेन्स) प्रदानबाट रु आठ करोड ५३ लाख ३३ हजार ४७५, दण्ड, जरिवाना तथा जफतबाट रु एक लाख तीन हजार १०० र सवारीसाधन करबाट रु ३८ करोड ५२ लाख ७९ हजार ४८२ राजस्व सङ्कलन भएको हो।
कार्यालयका अनुसार सवारीसाधन कर नै सबैभन्दा बढी राजस्व प्राप्त हुने शीर्षक बनेको छ।
