काठमाडौँ । सिरहामा कार्यरत एक प्रहरीमाथि गोली प्रहार भएको छ। घटनामा जिल्ला प्रहरी कार्यालय सिरहामा कार्यरत प्रहरी हवल्दार नारद परियार घाइते भएका छन्।
प्रहरीका अनुसार परियारको दाहिने तिघ्रामा गोली लागेको छ। घटनालगत्तै उनलाई उपचारका लागि नजिकको अस्पतालमा भर्ना गरिएको छ। चिकित्सकको निगरानीमा उनको उपचार भइरहेको बताइएको छ। गोली प्रहार कसले र किन गरेको हो भन्ने विषयमा प्रहरीले अनुसन्धान सुरु गरेको छ। घटनामा संलग्न व्यक्तिको पहिचान र पक्राउका लागि सुरक्षा निकायले खोजी तीव्र बनाएको जनाएको छ।
घटनाको कारण र अन्य विवरण खुल्न बाँकी रहेको प्रहरीले जनाएको छ। अनुसन्धान अघि बढेसँगै थप तथ्य सार्वजनिक गरिने सुरक्षा स्रोतले जनाएको छ।
