काठमाडौँ । राष्ट्रिय प्रजातन्त्र पार्टी (राप्रपा) ले प्रदेश सरकारमा सहभागी हुने वा नहुने विषयमा निर्णय गर्ने सम्पूर्ण अधिकार पार्टी अध्यक्ष राजेन्द्र लिङ्देनलाई दिएको छ।
बुधबार बसेको केन्द्रीय कार्यसम्पादन समितिको बैठकले पार्टीको बृहत्तर हितलाई केन्द्रमा राख्दै आवश्यक र उपयुक्त समयमा निर्णय लिन सक्ने जिम्मेवारी अध्यक्ष लिङ्देनलाई सुम्पिएको हो।
बैठकपछि सञ्चारकर्मीसँग कुरा गर्दै राप्रपाका प्रवक्ता मोहन श्रेष्ठले पार्टी प्रदेश सरकार गठनमा सहभागी हुने वा सत्ताको समीकरणमा लाग्ने विषयमा कुनै हतारमा नरहेको स्पष्ट पारे।
