काठमाडौं । यातायात व्यवस्था कार्यालय, धनगढीले आर्थिक वर्ष २०८२/८३ मा विभिन्न शीर्षकबाट रु ७७ करोड ५१ लाख २९ हजार राजस्व सङ्कलन गरेको छ। यो अघिल्लो आर्थिक वर्षको तुलनामा रु १ करोड ९५ लाख २ हजार ३६५ बढी हो।
कार्यालय प्रमुख भुवन जोशीका अनुसार आर्थिक वर्ष २०८१/८२ मा कार्यालयले रु ७५ करोड ५६ लाख २७ हजार ३५५ राजस्व सङ्कलन गरेको थियो।
गत आर्थिक वर्षमा सङ्कलित राजस्वमध्ये सबैभन्दा ठूलो हिस्सा सवारीसाधन करको रहेको छ। यस शीर्षकबाट रु ५९ करोड ३७ लाख १४ हजार ३८० सङ्कलन भएको छ। सबैभन्दा कम भने अन्य प्रशासनिक सेवा शुल्कबाट रु १ हजार ४०० सङ्कलन भएको कार्यालयले जनाएको छ।
राजस्व सङ्कलनको विवरण यस्तो छ।
| राजस्वको शीर्षक | सङ्कलित रकम |
|---|---|
| सवारीसाधन कर | रु ५९ करोड ३७ लाख १४ हजार ३८० |
| चालक अनुमतिपत्र तथा सवारी दर्ता किताब दस्तुर | रु १६ करोड ५५ लाख ८९ हजार ७४५ |
| यातायात क्षेत्रको आम्दानी (लगतकट्टा, प्रदूषण, रुट इजाजत) | रु १ करोड ४१ लाख १३ हजार ८३५ |
| व्यवसाय रजिस्ट्रेसन दस्तुर | रु १६ लाख ७८ हजार २२० |
| बिमादाबी प्राप्ति | रु ३२ हजार १४० |
| अन्य प्रशासनिक सेवा शुल्क | रु १ हजार ४०० |
कार्यालयका अनुसार अघिल्लो आर्थिक वर्षको तुलनामा गत आर्थिक वर्षमा राजस्व सङ्कलन बढेको हो।
Category: अर्थतन्त्र/राजस्व
