जनमत पार्टीको अध्यक्षमा पुनः सीके राउत, ९५८ मतसहित विजयी

काठमाडौं । जनमत पार्टीको अध्यक्षमा डा. सीके राउत पुनः निर्वाचित भएका छन्। वीरगन्जमा सम्पन्न पार्टीको महाधिवेशनबाट राउत ९५८ मत प्राप्त गर्दै अध्यक्षमा विजयी भएका हुन्।

अध्यक्ष पदमा राउतको मात्रै उम्मेदवारी परेको थियो। यद्यपि, पार्टीको विधानले अध्यक्ष पदका उम्मेदवारले कुल सदर मतको कम्तीमा २० प्रतिशत मत ल्याउनुपर्ने व्यवस्था गरेकाले निर्वाचनमार्फत उनको समर्थन परीक्षण गरिएको थियो।

महाधिवेशनमा २६ पदाधिकारीसहित ९९ पदका लागि निर्वाचन भएको थियो। निर्वाचनबाट उपाध्यक्ष, महासचिव, उपमहासचिव र सचिव पदमा समेत नयाँ नेतृत्व चयन भएको छ।

निर्वाचित पदाधिकारी

उपमहासचिवमा निर्वाचित निर्मलकुमार मण्डलले ५०१ मत प्राप्त गरे। उनका प्रतिस्पर्धी ललितचन्द्र मल्लिकले ४१४ मत ल्याएका थिए। महासचिवमा निर्वाचित सञ्जयकुमार यादवले ६१८ मत प्राप्त गरेका छन्।