काठमाडौं । नेपाली कांग्रेसको १५औँ महाधिवेशनमा उम्मेदवारी दर्ताका लागि थप दुई घण्टा समय दिइएको छ। केन्द्रीय निर्वाचन समितिले मंगलबार साँझ ६ बजेसम्म उम्मेदवारी दर्ता गर्न सकिने गरी समय बढाएको हो।
यसअघि उम्मेदवारी दर्ताका लागि मंगलबार अपराह्न ४ बजेसम्मको समय तोकिएको थियो। निर्धारित समयभित्र उम्मेदवारी दर्ता गर्ने क्रम जारी रहेपछि निर्वाचन समितिले समय थप गरेको हो।
समितिका सदस्यसचिव राजु कटुवालले उम्मेदवारी दर्ताको नयाँ समयसीमा साँझ ६ बजेसम्म कायम गरिएको जानकारी दिएका छन्।
महाधिवेशनअन्तर्गत विभिन्न पदमा उम्मेदवारी दर्ता गर्ने प्रक्रिया अहिले चलिरहेको निर्वाचन समितिले जनाएको छ।
