काठमाडौँ । नेपाली कांग्रेसले आफ्नो भ्रातृ संगठन नेपाल दलित संघको अध्यक्षमा चितवनका विपेन्द्र रामुदामुलाई नियुक्त गरेको छ।
पार्टी केन्द्रीय कार्यसम्पादन समितिको गत वैशाख २१ गतेको निर्णयअनुसार सभापति गगनकुमार थापा ले नेपाली कांग्रेसको विधान २०१७ (संशोधनसहित) को धारा ४२ (१) (च) बमोजिम म्याद समाप्त भई स्वतः विघटन भएको संघको नेतृत्व रामुदामुलाई सुम्पिएका हुन्।
नवनियुक्त अध्यक्ष रामुदामुलाई नेपाल दलित संघको पुनर्गठन गर्दै निर्धारित समयभित्र महाधिवेशन सम्पन्न गर्ने स्पष्ट कार्यादेश दिइएको छ। उनलाई ११ बुँदे कार्यविवरणसहित संगठन सुदृढीकरण र निर्वाचन प्रक्रिया अगाडि बढाउने जिम्मेवारी प्रदान गरिएको पार्टीले जनाएको छ।
यो निर्णयबारे जानकारी नेपाली कांग्रेसका कार्यवाहक मुख्य सचिव कृष्णप्रसाद दुलालद्वारा जारी विज्ञप्तिमा उल्लेख गरिएको छ।
