काठमाडौं । फिफा विश्वकप २०२६ अन्तर्गत बिहीबार बिहान भएका खेलपछि ब्राजिल र मोरक्को नकआउट चरणमा प्रवेश गरेका छन्।
समूह ‘सी’ अन्तर्गत ब्राजिलले स्कटल्यान्डलाई ३–० गोलअन्तरले पराजित गर्दै ७ अंकसहित समूह विजेता बनेको छ। ब्राजिलका भिनिसियस जुनियरले दुई तथा मथेउस कुन्हाले एक गोल गरेका थिए।
त्यसैगरी मोरक्कोले हाइटीलाई ४–२ गोलले हराउँदै समान ७ अंक जोडेको छ। समान अंक भए पनि आपसी भेटका आधारमा मोरक्को समूह उपविजेता बनेको हो।
हाइटी भने यसअघि नै प्रतियोगिताबाट बाहिरिसकेको छ। स्कटल्यान्डको अर्को चरण पुग्ने सम्भावना भने अझै कायम रहेको छ।
