काठमाडौं। प्रतिनिधिसभाबाट सम्पत्ति शुद्धीकरण (मनि लाउन्डरिङ) निवारण (तेस्रो संशोधन) विधेयक, २०८३ बहुमतले पारित भएको छ।
आज बसेको प्रतिनिधिसभा बैठकमा विधेयकमाथि दफाबार छलफल सम्पन्न भएपछि निर्णयार्थ प्रस्तुत गरिएको थियो। त्यसपछि सभामुख डोलप्रसाद अर्यालले विधेयक बहुमतले पारित भएको घोषणा गरे।
विधेयकमाथिको दफाबार छलफलमा सांसद प्रकाशचन्द्र परियार, गुरुप्रसाद बराल, गणेशबहादुर विश्वकर्मा, कमल सुवेदी, चन्देश्वर मण्डल, यसुदाकुमारी बराल, भरतबहादुर खड्का, पार्वती बिक, महेन्द्र शाही, हरिमोहन भण्डारी र बलावती शर्माले भाग लिँदै आ–आफ्ना धारणा राखेका थिए।
