काठमाडौँ । अर्थमन्त्री डा. स्वर्णिम वाग्लेले सरकारका प्रधानमन्त्रीदेखि मन्त्रीसम्म सबै नेपाली जनता, राजनीतिक दल र सम्बन्धित नेतृत्वप्रति उत्तरदायी हुनुपर्ने बताएका छन् ।
आर्थिक वर्ष २०८३/८४ को बजेट कार्यान्वयन योजनाबारे सोमबार सबै मन्त्रालयका सचिवहरूसँगको छलफलमा बोल्दै अर्थमन्त्री वाग्लेले सुशासन र भ्रष्टाचारविरुद्धको प्रतिबद्धतामा सरकार कडाइका साथ अघि बढ्नुपर्ने बताए ।
उनले सरकारको प्राथमिकता सुशासन कायम गर्ने र भ्रष्टाचारप्रति शून्य सहनशीलताको नीति अवलम्बन गर्ने रहेको उल्लेख गरे ।
अर्थमन्त्री वाग्लेले विगतका विकृति र विसङ्गतिलाई अन्त्य गर्दै कर्मचारीतन्त्रमा सुधार आवश्यक रहेको बताए ।
