काठमाडौं । श्रीमती हत्या आरोपमा टिकटकमा ‘नेपाली ब्रो’ नामले परिचित कुमार थापामगरविरुद्ध जिल्ला अदालत काठमाडौंमा कर्तव्य ज्यान मुद्दा दायर गरिएको छ।
प्रहरीले दायर गरेको अभियोगपत्रमा थापामगरले आफ्नी श्रीमती ईश्वरी भुजेलको क्रूर तरिकाले हत्या गरेको उल्लेख गर्दै उनलाई जन्मकैदको सजाय माग गरिएको छ।
यस मुद्दामा थापामगरकी प्रेमिका प्रतीक्षा आचार्य, उनका भाइ विक्रम थापामगर तथा साथी पूजन थापा क्षेत्रीलाई समेत प्रतिवादी बनाइएको छ। प्रहरी प्रतिवेदनअनुसार उनीहरूले घटनामा प्रोत्साहन तथा संलग्नता गरेको दाबी गरिएको छ।
अनुसार, गत २२ जेठमा थापामगरले श्रीमतीको हत्या गरेका थिए। उनले प्रहरीसमक्ष उक्त अपराध स्वीकार गरेको बताइएको छ। सोही दिन सम्बन्धविच्छेदसम्बन्धी मुद्दाको पेसी रहेकाले र मुद्दा फिर्ता लिन अस्वीकार गरेपछि हत्या गरेको उनले बयान दिएको उल्लेख छ।
प्रहरी अनुसन्धानका क्रममा थापामगरले आफू र प्रतीक्षा आचार्यबीच प्रेम सम्बन्ध रहेको समेत स्वीकार गरेका छन्।
