काठमाडौं । नेपाली बजारमा बिहीबार सुन र चाँदी दुवैको मूल्यमा वृद्धि देखिएको छ। सुनको मूल्य एकै दिनमा उल्लेख्य रूपमा बढ्दै प्रतितोला ६ हजार २०० रुपैयाँले उकालो लागेको हो।
नेपाल सुन–चाँदी व्यवसायी महासंघका अनुसार बिहीबार सुन प्रतितोला २ लाख ८३ हजार ५०० रुपैयाँमा कारोबार भइरहेको छ। अघिल्लो दिन बुधबार सुनको मूल्य २ लाख ७७ हजार ३०० रुपैयाँ थियो, जसमा सो दिन ६०० रुपैयाँको गिरावट आएको थियो।
त्यस्तै चाँदीको मूल्य पनि बढेको छ। महासंघका अनुसार चाँदी प्रतितोला ४ हजार ४५० रुपैयाँमा किनबेच भइरहेको छ। बुधबार चाँदी ४ हजार २७० रुपैयाँमा कारोबार भएको थियो।
