काठमाडौं। राजपुर नगरपालिकास्थित एक नहरमा महिलाको शव फेला परेको छ।
जिल्ला प्रहरी कार्यालय रौतहटका अनुसार बिहीबार बिहान राजपुर नगरपालिका–३ स्थित डमारबाट फुतवा जाने बाटो छेउको नहरमा परोहा नगरपालिका–५ की २४ वर्षीया मुस्कान खातुनको शव फेला परेको हो।
प्रहरी नायब उपरीक्षक वसन्त गौतमका अनुसार नहरको पानीबाट शव निकालेर पोस्टमार्टमका लागि प्रादेशिक अस्पताल गौर पठाइएको छ।
घटनाको कारणबारे प्रहरीले अनुसन्धान भइरहेको जनाएको छ।
