काठमाडौं । नेपाल फार्मेसी परिषद्को अध्यक्षमा डा. कादिर आलम नियुक्त भएका छन्। सरकारले छनोट प्रक्रियामार्फत आवेदन दिएका उम्मेदवारमध्येबाट डा. आलमलाई परिषद्को अध्यक्षमा चयन गरेको हो।
नवनियुक्त अध्यक्ष आलमले बुधबार स्वास्थ्य तथा खाद्य स्वच्छता मन्त्री निशा मेहताको उपस्थितिमा पद तथा गोपनीयताको शपथ ग्रहण गरेका छन्।
शपथ ग्रहण समारोहमा बोल्दै मन्त्री मेहताले नेपाल फार्मेसी परिषद्लाई थप प्रभावकारी, पारदर्शी र उत्तरदायी बनाउँदै अघि बढाउनुपर्नेमा जोड दिइन्। उनले औषधि सेवाको गुणस्तर सुधार, फार्मेसी शिक्षाको नियमन, पेसागत मर्यादा कायम राख्ने तथा जनविश्वास अभिवृद्धि गर्ने कार्यमा परिषद्ले सक्रिय भूमिका खेल्नुपर्ने बताइन्।
मन्त्री मेहताले नवनियुक्त अध्यक्षलाई फार्मेसी क्षेत्रको सुधार र व्यवस्थापनलाई प्राथमिकतामा राखेर काम गर्न निर्देशन दिएकी छन्।
अध्यक्ष आलमले परिषद्को गरिमा अझ उचो बनाउँदै फार्मेसी क्षेत्रको सुधार, नियमन र विकासका लागि प्रतिबद्ध भएर काम गर्ने बताएका छन्।
