काठमाडौं । स्थानीय बजारमा आज सुनचाँदीको मूल्य बढेको छ।
नेपाल सुनचाँदी व्यवसायी महासंघका अनुसार छापावाल सुनको मूल्य आज प्रतितोला ४ हजार २०० रुपैयाँले बढेर २ लाख ८८ हजार रुपैयाँ पुगेको छ। अघिल्लो कारोबार दिन सुनको मूल्य प्रतितोला २ लाख ८३ हजार ८०० रुपैयाँमा कारोबार भएको थियो।
त्यसैगरी, चाँदीको मूल्य पनि प्रतितोला ९५ रुपैयाँले वृद्धि भएको छ। आज चाँदी प्रतितोला ४ हजार ४७५ रुपैयाँमा कारोबार भइरहेको छ भने अघिल्लो दिन यसको मूल्य प्रतितोला ४ हजार ३८० रुपैयाँ रहेको थियो।
अन्तरराष्ट्रिय सञ्चारमाध्यमका अनुसार विश्व बजारमा पनि सुनचाँदीको मूल्य उच्च रहेको छ। आज अन्तरराष्ट्रिय बजारमा सुनको मूल्य प्रतिऔँस ४ हजार १२७ अमेरिकी डलर र चाँदीको मूल्य प्रतिऔँस ६० अमेरिकी डलर कायम भएको छ।
