काठमाडौं। काठमाडौं महानगरपालिका क्षेत्रका चार निजी विद्यालयले आफ्नो नाम तथा ठेगाना परिवर्तन गर्न प्रक्रिया अघि बढाएका छन्। सम्बन्धित विद्यालयका सञ्चालकले नाम र स्थान परिवर्तनका लागि महानगरपालिकामा निवेदन दिएका छन्।
महानगरपालिकाको शिक्षा विभागले सार्वजनिक सूचना जारी गर्दै प्रस्तावित परिवर्तनबारे कसैको दाबी वा विरोध भएमा ३५ दिनभित्र निवेदन दिन आग्रह गरेको छ।
नाम तथा स्थान परिवर्तनका लागि निवेदन दिने विद्यालयमा काठमाडौं महानगरपालिका–६ बौद्धस्थित बुद्ध पशुपति इङ्लिस बोर्डिङ स्कुल, महानगरपालिका–३० स्थित साई शिक्षा निकेतन, ज्ञानेश्वरस्थित मानवी एकेडेमी र बौद्धस्थित मञ्जुश्री सामुदायिक विद्यालय रहेका छन्।
