काठमाडौं। प्रतिनिधिसभाको आज दिउँसो १ बजे सिंहदरबारमा बस्ने तय भएको बैठक विशेष कारणले स्थगित भएको संघीय संसद् सचिवालयले जनाएको छ।
आजको बैठकमा कानुन, न्याय तथा संसदीय मामिलामन्त्री सोविता गौतमले ‘नेपाल कानुन आयोग (पहिलो संशोधन) विधेयक, २०८३’ प्रस्तुत गर्ने कार्यसूची थियो।
त्यस्तै, मन्त्री गौतमले ‘मेलमिलापसम्बन्धी (दोस्रो संशोधन) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्ने कार्यक्रमसमेत तय भएको थियो।
बैठक स्थगित भएसँगै आजका लागि तय भएका यी कार्यसूची अर्को बैठकमा सर्नेछन्।
