काठमाडौं । भोटेकोशी बाढीबाट क्षतिग्रस्त बागमती प्रदेशका भौतिक संरचना पुनःनिर्माणका लागि प्रदेश सरकारले नेपाल सरकारसँग रु एक अर्ब अनुदान माग गर्ने निर्णय गरेको छ।
बिहीबार बसेको प्रदेश मन्त्रिपरिषद् बैठकले बाढीबाट प्रदेशभित्र क्षति पुगेका भौतिक पूर्वाधार पुनःनिर्माण गर्न संघीय सरकारसँग उक्त रकम माग गर्ने निर्णय गरेको हो।
बैठकका निर्णय सार्वजनिक गर्दै प्रदेश सरकारका प्रवक्ता एवं भौतिक पूर्वाधार विकासमन्त्री भरतबहादुर केसीले क्षतिग्रस्त पूर्वाधारको पुनःनिर्माणका लागि संघीय सरकारसँग रु एक अर्ब अनुदान माग गर्ने निर्णय भएको जानकारी दिए।
