काठमाडौं। प्रधानमन्त्री कार्यालयले प्रधानमन्त्री बालेन्द्र शाह (बालेन) को सल्लाहकार समूह, स्वकीय सचिवालय तथा विभिन्न तहमा कार्यरत पदाधिकारी र कर्मचारीको विवरण सार्वजनिक गरेको छ। कार्यालयले लामो समयपछि आफ्नो आधिकारिक वेबसाइटमार्फत प्रधानमन्त्रीको टोलीमा रहेका २५ जना पदाधिकारी तथा कर्मचारीको जिम्मेवारी सार्वजनिक गरेको हो।
सार्वजनिक विवरणमा प्रधानमन्त्रीका राजनीतिक, स्वास्थ्य, नीति, प्रशासन तथा सूचना प्रविधिसम्बन्धी सल्लाहकारदेखि विभिन्न प्रशासनिक, अनुसन्धान र प्राविधिक जिम्मेवारीमा रहेका कर्मचारीसम्मलाई समेटिएको छ। केही पदाधिकारीलाई मन्त्री तथा राज्यमन्त्रीसरहको हैसियत र सुविधा प्रदान गरिएको विवरणमा उल्लेख छ।
प्रधानमन्त्रीका सल्लाहकार तथा उच्च तहका पदाधिकारी
| नाम | जिम्मेवारी तथा हैसियत |
|---|---|
| कुमार ब्यञ्जनकार | अवैतनिक मुख्य राजनीतिक सल्लाहकार, मन्त्रीसरह |
| असिम शाह | राजनीतिक सल्लाहकार, मन्त्रीसरह |
| प्राडा जगदिश प्रसाद अग्रवाल | अवैतनिक स्वास्थ्य सल्लाहकार, मन्त्रीसरह |
| सुदिप ढकाल | नीति, प्रशासन तथा सुशासन सल्लाहकार, राज्यमन्त्रीसरह |
| विवेक मिश्र | सूचना तथा सञ्चार प्रविधि सल्लाहकार, राज्यमन्त्रीसरह |
प्रधानमन्त्रीको सचिवालयतर्फ सुवाष शर्मा प्रमुख स्वकीय सचिवका रूपमा कार्यरत छन्। उनको पद रा.प. विशिष्टसरह रहेको छ। त्यस्तै नविन भण्डारी स्वकीय सचिवका रूपमा रहेका छन्, जसको पद रा.प. प्रथमसरह रहेको छ।
सहसचिव तथा सोसरहका जिम्मेवारी
| नाम | जिम्मेवारी तथा हैसियत |
|---|---|
| सञ्जिव पाण्डे | विकास परियोजना, सहसचिव (रा.प. प्रथम) सरह |
| दिपा दाहाल | प्रेस तथा अनुसन्धान विज्ञ, सहसचिव (रा.प. प्रथम) सरह |
| सन्तोष गिरी | कार्यक्रम तथा भ्रमण संयोजक, सहसचिव (रा.प. प्रथम) सरह |
| विश्व राई | विज्ञ–सामाजिक विकास, सहसचिव (रा.प. प्रथम) सरह |
यसैगरी उपसचिव तथा सहायक विज्ञका रूपमा पनि विभिन्न व्यक्तिलाई जिम्मेवारी तोकिएको छ।
| नाम | जिम्मेवारी तथा हैसियत |
|---|---|
| प्रकृति ढकाल | उपसचिव (रा.प. द्वितीय) सरह |
| विशाल अधिकारी | उपसचिव (रा.प. द्वितीय) सरह |
| विनय शाक्य | उपसचिव (रा.प. द्वितीय) सरह |
| सुमन गौतम | सहायक विज्ञ, नागरिक उड्डयन |
| रवि किरण अधिकारी | सहायक विज्ञ, भाषा तथा मस्यौदा |
शाखा अधिकृत तथा प्राविधिक–प्रशासनिक तहका कर्मचारी
प्रधानमन्त्रीको सचिवालयमा शाखा अधिकृत तथा अन्य प्राविधिक र प्रशासनिक तहमा समेत विभिन्न कर्मचारी कार्यरत रहेको विवरणमा उल्लेख छ।
| नाम | जिम्मेवारी |
|---|---|
| सुरेन्द्र बजगाई | प्रेस सहजकर्ता |
| रोशन तामाङ्ग | ग्राफिक्स डिजाइन |
| बेदानन्द जोशी | कर्मचारी |
| हेम नारायणदास चौधरी | अनुसन्धान अधिकृत |
| अनुप थापा मगर | कर्मचारी |
| ऋषी थापा | कर्मचारी |
| अमृत पाण्डे | भिडियोग्राफर |
| राज कुमार गौतम | कर्मचारी |
| बेनिस कार्की | कर्मचारी |
प्रधानमन्त्री कार्यालयले सार्वजनिक गरेको विवरणअनुसार सचिवालयमा राजनीतिक तथा स्वास्थ्य सल्लाहकार, नीति तथा प्रशासन विज्ञ, सञ्चार तथा सूचना प्रविधि क्षेत्रका सल्लाहकारसँगै विकास परियोजना, अनुसन्धान, सामाजिक विकास, नागरिक उड्डयन, भाषा तथा मस्यौदा, ग्राफिक्स र भिडियो उत्पादनलगायत विभिन्न क्षेत्रमा जिम्मेवारी तोकिएका छन्।
