काठमाडौं । साताको कारोबारको क्रममा सेयर बजारमा गिरावट जारी रहेको छ। नेप्से परिसूचक आज १६.२९ अंकले घटेर २६७२.५८ विन्दुमा झरेको छ।
नेप्से घटेसँगै कारोबार रकममा समेत कमी आएको छ। बुधबार ४ अर्ब २ करोड रुपैयाँ बराबरको कारोबार भएकोमा आज ३ अर्ब ३८ करोड १३ लाख १८ हजार २४८ रुपैयाँ बराबरको सेयर कारोबार भएको छ।
आज ३३७ वटा कम्पनीका ७५ लाख ४८ हजार ५९१ कित्ता सेयर खरिदबिक्री भएका छन्। कारोबारमा आएका कम्पनीमध्ये ५९ वटा स्टकको मूल्य बढ्दा २०६ वटाको मूल्य घटेको छ भने ११ वटा कम्पनीको मूल्य स्थिर रहेको छ।
आज एभरेष्ट कलर लिमिटेडको सेयर मूल्य १५ प्रतिशतले बढेको छ भने कालिञ्चोक हाइड्रोपावरको सेयर मूल्य १४.९९ प्रतिशतले घटेको छ।
कारोबार रकमका आधारमा रिलायन्स स्पिनिङ मिल्स शीर्ष स्थानमा रहेको छ। उक्त कम्पनीको २४ करोड रुपैयाँ बराबरको सेयर कारोबार भएको छ। यस्तै, कर्पोरेट डेभलपमेन्ट बैंकको १५ करोड रुपैयाँ, रिडी पावर र कालिञ्चोक हाइड्रोपावरको १०/१० करोड रुपैयाँ बराबरको कारोबार भएको छ।
यस दिन नेप्सेका १३ वटै समूहका उपसूचक नकारात्मक देखिएका छन्।
