काठमाडौं । त्रिभुवन विश्वविद्यालय (त्रिवि) व्यवस्थापन संकायअन्तर्गत सञ्चालन भइरहेको स्नातकोत्तर तहका केही परीक्षा प्राकृतिक विपत्तिका कारण स्थगित भएका छन्।
त्रिवि व्यवस्थापन संकाय, परीक्षा नियन्त्रण महाशाखाले बुधबार जारी गरेको सूचनाअनुसार भोटेकोसी नदीमा आएको बाढीबाट उत्पन्न असहज परिस्थितिलाई ध्यानमा राख्दै भोलि भदौ ११ गतेका लागि तोकिएका केही परीक्षा स्थगित गरिएको हो।
स्नातकोत्तर तहअन्तर्गत एमबिएस, एमपिए, एमबिए–एफ, एमबिए–सिएल, एमबिए–एम, एमबिएम, एमएचएम, एमटिटिएम र म्याट्स कार्यक्रमको तेस्रो सत्रको नियमित परीक्षा–२०२६ अन्तर्गतका निर्धारित परीक्षा मात्र स्थगित गरिएको डीनको कार्यालयले जनाएको छ।
स्थगित परीक्षाको नयाँ मिति यथाशीघ्र प्रकाशित गरिने संकायले जनाएको छ।
